See all those languages up there? We translate Global Voices stories to make the world's citizen media available to everyone.

Learn more about Lingua Translation  »

Below are posts about citizen media in Arabic. Don't miss Global Voices الأصوات العالمية, where Global Voices posts are translated into Arabic! Read about our Lingua project to learn more about how Global Voices content is being translated into other languages.

Mga kwento tungkol sa Arabic

9 Setyembre 2012

Mga Bansang Arabo: Naiibang Eid sa Syria, Palestina at Bahrain

Sa iba't ibang panig ng mundo, ginunita ang nakalipas na Eid Al Fitr sa loob ng tatlong araw, na siyang takda ng pagtatapos ng Ramadan - ang isang buwan ng pag-aayuno. Ngunit naging tahimik ang selebrasyon sa mga bansang Syria habang nagluluksa ang buong bayan para sa mga mamamayang nasawi, at sa bansang Bahrain kung saan napaslang ng pulisya ang isang 16-na-taong gulang na binata.

8 Setyembre 2012

Ehipto: Karapatan ng mga Kababaihan, Isinusulong ng ID Mo, Karapatan Mo

7 Billion Actions

Aabot sa 4 na milyong kababaihan ng bansang Egypt ang walang opisyal na ID, na siyang kailangan upang mabigyan sila ng samu't saring serbisyo publiko at mga karapatang pambatas, panlipunan at pangpinansiyal. Layon ng proyektong "ID Mo, Karapatan Mo" na mabigyan ng ID ang 2 milyong kababaihan at mapalaganap ang kaalaman tungkol sa ganitong usapin at pati na ang kahalagahan ng pagkakapantay-pantay ng kasarian.

22 Agosto 2012

Morocco: Reporma sa Edukasyon, Iginiit ng mga Mag-aaral

Nitong Hulyo, inilunsad ng isang grupo ng mga estudyante sa Morocco ang Facebook page na "Unyon ng mga Mag-aaral sa Morocco para sa Pagbabago ng Sistemang Pang-edukasyon". Sa loob lamang ng isang buwan, nakahikayat ito ng matinding suporta gamit ang social media.

2 Agosto 2012

Syria: Mga Bidyo, Idinokumento ang Tumitinding Sagupaan

Mainit na pinag-usapan sa social media ang mga balita mula sa bansang Syria. Sa tulong ng mga bidyong iniupload ng mga aktibista sa YouTube, naipapakita sa mas maraming tao ang mga mahahalagang kaganapan sa lumalalang kaguluhan doon.

14 Hulyo 2012

Ehipto: Huling Yugto ng Halalan sa Pagkapangulo, Ibinida sa mga Litrato

Idinaos ng mga mamamayan ng bansang Egypt ang pangalawang salang ng halalan sa pagkapangulo, sa kabila ng mga hakbang ng pamunuang Supreme Council for the Armed Forces (SCAF) na manatili sa pinanghahawakang puwesto. Ibinahagi ni Ammoun ang mga litratong kuha ng mga netizen sa makasaysayang araw ng eleksyon.

9 Hulyo 2012

Ehipto: Pagtutol sa Pambabastos, Idinaan sa Protesta

Buhat nang sumiklab ang rebolusyon sa bansang Egypt, dumarami ang mga nananawagan sa paggalang ng mga karapatang pantao, kabilang na ang karapatan ng mga kababaihan. Mula sa mga litrato masasaksihan natin ang isang protestang ginanap kamakailan sa siyudad ng Cairo laban sa pambabastos.

27 Hunyo 2012

Ehipto: Ipinakikilala ang MorsiMeter

Technology for Transparency Network

Matapos ang 32 taon ng rehimeng Hosni Mubarak, may bagong pangulo na ang bansang Egpyt. May bagong app naman ang inimbento upang subaybayan ang panunungkulan ng bagong halal na presidente na si Mohamed Morsi. Susundan nito ang pagpapatupad sa 64 na mga pangakong kanyang inilahad noong panahon ng kampanya.

26 Hunyo 2012

Ehipto: Mohamed Morsi, Bagong Pangulo ng Bansa

Si Mohamed Morsi ang bagong pangulo ng bansang Egypt. Inantabayan ng mga netizen sa Egypt ang ginawang pag-anunsyo hinggil sa kanilang susunod na presidente.

4 Hunyo 2012

Ehipto: Mubarak, Habambuhay na Mabibilanggo

Sinubaybayan ng buong mundo ang paglilitis sa dating pangulo ng bansang Egypt na si Hosni Mubarak at kanyang Ministro ng Interyor na si Habib Al Adly, na parehong hinatulan ng habambuhay na pagkabilanggo dahil sa pagkamatay ng mga demonstrador noong 2011. Sabay na napanood ng mga mamamayan sa kani-kanilang telebisyon ang sesyon sa hukuman. Samu't saring opinyon ang kanilang ipinahayag sa internet.

2 Hunyo 2012

Bidyo: Kalakaran sa Iba't Ibang Lipunan – Pagsilip sa mga Kakaibang Kaugalian

Hatid ng VJ Movement, sa pakikipagtulungan ng London School of Economics, ang mga bidyo at kwento ng buhay tungkol sa mga lipunan mula sa bawat sulok ng mundo na nasasadlak sa iba't ibang uri ng krisis at kaguluhan. Tampok dito ang kani-kanilang pagpapahalaga sa mas magandang kinabukasan.

23 Mayo 2012

Jordan: Mga Taga-Jordan, “Nagpasalamat” sa Monarkiya

Gamit ang hashtag na #شكرا, o "salamat”, ipinarating ng mga taga-Jordan sa Twitter ang kanilang gustong sabihin sa kanilang monarkiya ng bansa. Lumabas ang mga mapang-uyam na tweet bilang pagpuna sa usad-pagong na reporma sa Jordan.

22 Mayo 2012

Panukalang Unyon ng mga Bansa sa Golpo, Sinalubong ng mga Alinlangan

Maugong ang balita tungkol sa panukalang palitan ang kasalukuyang GCC o ang Konsehong Pangkooperasyon para sa mga Golpong Estadong Arabo, at gawin itong unyon na gaya ng EU. Ito ay sa gitna ng tensyon at kawalang-katiyakan matapos ang Himagsikang Arabyano at ang lumalawak na impluwensiya ng Iran. Bilang panimulang hakbang, pinag-uusapan ngayon ang pakikipag-anib ng Saudi Arabia sa Bahrain.

16 Mayo 2012

Mayo Uno Ginunita sa Gitnang Silangan

Ipinagdiwang ang Mayo Uno, o ang Araw ng Paggawa, sa mga bansang Arabo. Narito ang mga kaganapan sa taong ito bilang paggunita sa mahalagang araw na ito: sa Libya, idineklara itong pambansang pampublikong holiday, sa Bahrain sinalubong ng pulisya ang mga kilos-protesta, at sa Lebanon na-hack ang website ng Kagawaran ng Paggawa.

2 Mayo 2011

Sa Mundo ng Arab: Maharlikang Kasalan ang Namamayani

Ang usap-usapan tungkol sa gaganaping pag-iisang dibdib ni Prinsipe William at Catherine Middleton bukas (Abril 29) ay nakarating na sa Gitnang Silangan, kung saan ang ilan sa mga tweeps ay tumigil panandalian sa pagbabalita sa mga nagaganap na pag-aalsa, upang pagmasdan ang seremonya at pagtanggap, na gaganapin sa Buckingham Palace.