See all those languages up there? We translate Global Voices stories to make the world's citizen media available to everyone.

Learn more about Lingua Translation  »

Below are posts about citizen media in Spanish. Don't miss Global Voices en Español, where Global Voices posts are translated into Spanish! Read about our Lingua project to learn more about how Global Voices content is being translated into other languages.

Mga kwento tungkol sa Spanish

14 Setyembre 2012

Mga Yamang-Kultura ng Syria, Pinapangambahang Maglaho

Bukod sa lumulobong bilang ng mga nasasawi sa giyera sa bansang Syria, isang masaker ang patuloy na nagaganap sa yamang-kultura ng mga taga-Syria. Subalit mapapansing ang usaping ito ay bihira lamang mabanggit sa midyang tradisyonal at sa social media, ayon kay Thalia Rahme.

10 Setyembre 2012

Venezuela: Kabataan, Sayaw, Katutubo… at Propaganda

Ibinahagi ni Carmen Helena González ang mga litrato sa photo album sa Facebook na pinamagatang "Ang pagsayaw ng Venezuela sa saliw ng...". Ang bawat litrato ay may kaakibat na pagninilaynilay at pagkuwestiyon sa mga propagandang pulitikal sa sistema ng edukasyon sa bansa.

24 Agosto 2012

Puerto Rico: Panlilinlang sa Patalastas, Inilantad ng Isang Blogger

Pinagbigay-alam ng Puerto Rican blogger na si Ed Morales ang kanyang nasaksihan sa shooting ng isang patalastas ng Fiat kung saan pinapakitang nagmamaneho sa mga kalye ng Bronx, New York ang sikat na aktres at mang-aawit na si Jennifer López. Ang totoo, paliwanag ni Morales sa tulong ng mga aktwal na litrato, hindi naman talaga nagpunta si López doon.

21 Agosto 2012

Venezuela: Caracas, Sinakop ng Pandaigdigang Pagtitipon ng Katawang Sining

Noong 2011, itinanghal sa Caracas ang Pandaigdigang Pagtitipon ng Katawang Sining, at naging instrumento ang medya ng mamamayan para maibahagi sa ibang tao ang mga nakakamanghang pagpapahayag gamit ang katawan ng tao. Kabilang sa mga itinampok sa pagdiriwang ay ang mga katutubo ng Venezuela at ang kanilang likhang sining sa balat.

14 Agosto 2012

Bolivia: Kampanya sa Turismo, Ibinida sa Bagong Bidyo

'Bolivia Te Espera' (Inaantay Ka Ng Bolivia) ang tawag sa bagong kampanyang inilunsad ng pamahalaan ng bansang Bolivia. Layon ng kampanyang ito na mapalawig ang turismo sa bansa sa tulong ng puhunang aabot sa 20 milyong dolyares sa loob ng limang taon, kung saan karamihan nito ay mapupunta sa mga katutubong pamayanan.

13 Agosto 2012

Bidyo: Walang Palanguyan? Walang Problema! Mga Malikhaing Sagot sa Tag-init

Dahil sa matinding tag-init na nararanasan ng mga taga-hilagang bahagi ng ating daigdig, kanya-kanyang pamamaraan ang karamihan doon upang matakasan ang umaakyat na temperatura at nang makaramdam ng kaunting pahinga. Pinapamalas ng mga susunod na litrato at mga bidyo ang pagiging malikhain at ang angking imahenasyon ng mga tao, mapabata man o matanda, upang maibsan ang epekto ng mainit na panahon.

11 Agosto 2012

Bidyo: Kampanyang ‘Karapatang Pantao, Ngayon Na!', Inilunsad sa Costa Rica

Noong Biyernes, ika-3 ng Agosto, inilunsad ng grupong Citizens for Human Rights ang kampanyang "Human Rights Now!" (Karapatang Pantao, Ngayon Na!), kung saan nagsama-sama ang mga personalidad ng Costa Rica upang ipanawagan ang paggarantiya ng Pamahalaan sa mga karapatang pantao ng lahat. Sa nasabing bidyo tinalakay ang mga isyu gaya ng pagpapakasal ng mga magkaparehong kasarian at ang mga karapatang sekswal at ligtas na pagdadalangtao ng mga kababaihan.

10 Agosto 2012

Chile: Mga Larawan ng Protesta sa Aysén, Ibinahagi sa Twitter

Isang kilusang panlipunan ang umusbong sa rehiyon ng Aysén sa bahagi ng Patagonia sa Chile. Ibinahagi ng mga taga-Aysén sa Twitter ang samu't saring litrato ng mga pagmartsa, pagharang at mga sagupaan na naganap noong Pebrero.

9 Agosto 2012

Bidyo: Ang Mangarap ng Olympics sa Colombia

Sa maikling pelikulang "Velocidad" (Tulin) na likha ng estudyanteng si Esteban Barros mula Barranquilla, Colombia, ipinapakita ang pangarap ng isang binata na makapasok sa Olympics. Sapat na kaya ang kanyang matinding pagsisikap, magandang resulta at pagtitiyaga upang makapasok sa kompetisyon? Panoorin ang dalawang minutong bidyong ito at alamin.

3 Agosto 2012

Venezuela: Mga Realidad ng Lungsod, Siniyasat sa mga Pelikula

Sa ika-445 na kaarawan ng lungsod ng Caracas, ibinahagi ni Laura Vidal ang mga obra ng tatlong direktor na may iba't ibang perspektibo sa kabisera ng Venezuela upang mapanood ng lahat ng netizen sa loob at labas ng bansa.

26 Hulyo 2012

Puerto Rico: Ang Buhay, Isang Litrato Bawat Araw

Hatid ni Jose Marti ang isang sulyap sa pamumuhay sa San Juan sa pamamagitan ng kanyang proyekto sa internet na "Mga Litrato sa Araw na Ito".

23 Hulyo 2012

Puerto Rico: 365 Na Mga Litrato

Pawang sa mga kaibigan lang ibinahagi ni José Rodrigo Madera ang mga litrato sa Facebook, bilang bahagi ng kanyang proyektong "365", hanggang sa mapansin ito ng magasing Revista Cruce at inilathala ang 20 sa mga ito. Narito ang piling larawan mula sa koleksyon ng kanyang magagandang litrato.

20 Hulyo 2012

Puerto Rico: Pagtutol sa Pagpapacaesarean nang Hindi Kailangan, Ikinampanya sa Internet

Unnecessary Caesarean (Hindi Kailangan ng Caesarean) ang tawag sa kampanyang inilunsad sa Puerto Rico noong Marso. Hangad ng proyekto na bumaba ang lumulobong bilang ng mga nanganganak sa pamamagitan ng caesarean: karamihan sa mga C-section ng bansa ay hindi tumutugma sa mga tunay na pangangailangang medikal.

19 Hulyo 2012

Espanya: Sining, Kasabay na Sumibol sa Pandaigdigang Kilusan

Muling umusbong ang sining sa kilusang 15M. Upang ipagdiwang ang unang anibersaryo ng 15M, ang mga kaganapan ng 12M--15M, at nang mahikayat ang lahat na dumalo at muling lumahok sa mga aktibidades sa lansangan, ibinahagi ng blog na # Acampadasol ang mga kahanga-hangang paskil at patalastas na ipinagmamalaki ang tunay na damdamin ng kilos-protesta.

18 Hulyo 2012

Puerto Rico: “Revuelo,” Isang Kaaya-ayang Pagkaligalig

"Revuelo" (Ligalig) ang tawag sa kabigha-bighaning proyektong pangsining at arkitektura sa Pambansang Galeriya sa Lumang San Juan. Ibinahagi ng litratista at arkitektong si Raquel Pérez-Puig dito sa Global Voices ang ilang magagandang litrato ng naturang sining.

13 Hulyo 2012

Estados Unidos: “Shooting Blind” – Ang Pagtingin Gamit ang Naiibang Mata

Isang pangkat ng mga litratistang may kapansanan sa paningin ang nagtitipon-tipon sa Manhattan, New York kada Martes; sila ang Seeing with Photography Collective. Narito ang ilan sa mga kamangha-manghang larawang kuha ng mga kasapi ng grupo.

20 Hunyo 2012

Graffiti at Sining Panglungsod ng Latinong Amerika: Sa Internet at sa mga Lansangan

Buhay na buhay ang paggawa ng mga graffiti at sining panglungsod sa Latinong Amerika. Narito ang maikling sulyap sa mga bagong akda sa mga blog na itinatanghal ang mga litrato at bidyo ng masiglang kilusan ng kontemporaryong sining mula sa iba't ibang panig ng rehiyon.

3 Hunyo 2012

Arhentina: Batas sa Pagkakakilanlan ng Kasarian, Inaprubahan ng Kongreso

Inaprubahan kamakailan sa kamara ng Arhentina ang batas sa pagkakakilanlan ng kasarian, kung saan pinapayagan ang pagpapalit ng pangalan at kasarian ng katawan nang hindi kinakailangan ng pahintulot ng korte. Magmula noong kumalat ang balita na ipinasa ng senado ang naturang batas, hindi napigilan ng mga tao sa iba't ibang social network ang maglabas ng saloobin.

2 Hunyo 2012

Bidyo: Kalakaran sa Iba't Ibang Lipunan – Pagsilip sa mga Kakaibang Kaugalian

Hatid ng VJ Movement, sa pakikipagtulungan ng London School of Economics, ang mga bidyo at kwento ng buhay tungkol sa mga lipunan mula sa bawat sulok ng mundo na nasasadlak sa iba't ibang uri ng krisis at kaguluhan. Tampok dito ang kani-kanilang pagpapahalaga sa mas magandang kinabukasan.

6 Mayo 2012

Ecuador: Mga Kababaihang Refugee Pinapasok ang Prostitusyon

Inalam ng bidyo dokyumentaryo ang kalagayan ng mga kababaihang mula Colombia na nangibang bayan dahil sa karahasan, at napadpad ngayon sa bansang Ecuador. Dahil sa kawalan ng legal na hanapbuhay doon, karamihan sa mga kababaihan at kanilang mga anak na menor-de-edad ay napipilitang pumasok sa kalakaran ng prostitusyon.

30 Abril 2012

Costa Rica: Pag-akyat sa Chirripó, ang Pinakamatayog na Bundok sa Bansa

Ang Chirripó ang pinakamatayog na bundok sa bansang Costa Rica, na may taas na 3820 metro (12,533 talampakan). Noon pa man, maraming mga lokal at banyagang turista ang naaakit na akyatin ang tuktok nito: mapapanood sa mga susunod na bidyo ang dalawang magkaibang karanasan. Tampok sa unang bidyo ang naunang paglalakbay noong 1960, at tampok naman sa pangalawa ang karanasan sa kasalukuyang panahon.

22 Abril 2012

Arhentina: Pinuna ng mga Blogger ang Anunsyong Pagbili ng Pamahalaan sa Kompanyang YPF

Umani ng iba't ibang reaksyon sa blogosphere ng bansang Arhentina ang panukalang pagbili ng pamahalaan nito sa kompanya ng langis na YPF, na kontrolado ng kompanyang Repsol ng bansang Espanya, kung saang mapapasakamay ng gobyerno ang 51% ng buong kompanya. Ibinahagi ni Jorge Gobbi ang ilan sa mga opinyong ito, na kasalukuyang nahahati sa pagitan ng mga sang-ayon at kumukontra sa pamamahala ni Cristina Fernandez de Kirchner.