Mga kwento tungkol sa Spanish noong Abril, 2012
Costa Rica: Pag-akyat sa Chirripó, ang Pinakamatayog na Bundok sa Bansa
Ang Chirripó ang pinakamatayog na bundok sa bansang Costa Rica, na may taas na 3820 metro (12,533 talampakan). Noon pa man, maraming mga lokal at banyagang turista ang naaakit na akyatin ang tuktok nito: mapapanood sa mga susunod na bidyo ang dalawang magkaibang karanasan. Tampok sa unang bidyo ang naunang paglalakbay noong 1960, at tampok naman sa pangalawa ang karanasan sa kasalukuyang panahon.
Arhentina: Pinuna ng mga Blogger ang Anunsyong Pagbili ng Pamahalaan sa Kompanyang YPF
Umani ng iba't ibang reaksyon sa blogosphere ng bansang Arhentina ang panukalang pagbili ng pamahalaan nito sa kompanya ng langis na YPF, na kontrolado ng kompanyang Repsol ng bansang Espanya, kung saang mapapasakamay ng gobyerno ang 51% ng buong kompanya. Ibinahagi ni Jorge Gobbi ang ilan sa mga opinyong ito, na kasalukuyang nahahati sa pagitan ng mga sang-ayon at kumukontra sa pamamahala ni Cristina Fernandez de Kirchner.
Arhentina: “Hindi Ako Naniniwala sa Paaralan Ngunit Naniniwala Ako sa Edukasyon”
Naglabas ang Educación Viva (Mabuhay ang Edukasyon) ng paunang bidyo na humahamon sa tradisyonal na sistema ng edukasyon, na pinamagatang Hindi Ako Naniniwala sa Paaralan Ngunit Naniniwala Ako sa Edukasyon. Sa bidyo na may kasamang subtitle sa wikang Ingles, binigkas ng higit sa 20 kalalakihan at kababaihan ang tula tungkol sa sistema ng edukasyon at kung paano ito naiiba sa kanilang paniniwala tungkol sa tunay na kahulugan ng pag-abot ng kaalaman.
Chile: Debate sa Twitter Tungkol sa Therapeutic na Pagpapalaglag Habang Nag-aantay ang Senado
Habang patuloy na pinagpapaliban ng senado ang debate patungkol sa pagsasabatas ng therapeutic na uri ng pagpapalaglag, naging mainit ang palitan ng mga palagay at kuru-kuro sa cyberspace ng Chile, lalo na noong ipinalabas sa telebisyon ang dalawang debate tungkol sa paksa.
Mehiko: 7.8 Magnitude na Lindol Yumanig sa Bansa
Noong ika-20 ng Marso, bandang tanghali, isang malakas na lindol na may talang 7.8 magnitude ang yumanig sa timog at gitnang bahagi ng bansang Mehiko. Marami ang nagbukas ng Internet upang kamustahin ang kani-kanilang pamilya at ibalita ang kalagayan sa kanilang lugar. Heto ang ilang reaksyong nakalap mula sa web.