Mga kwento tungkol sa Arts & Culture
Olanda: Balkan Snapshots Festival 2012
Inorganisa ng Balkan Buro, isang Dutch non-profit na “nagpapahalaga sa ugnayang sining at kultura ng Kanlurang Europa at Timog-Silangang Europa”, ang Balkan Snapshots Festival 2012, na ginanap sa bayan ng Amsterdam noong Setyembre 21-23, “tatlong gabi ng musika, pagkamalikhain, pelikula at malayang talakayan!”
Maldives: Araw ng Kasarinlan, Ipinagdiwang
Ibinahagi ni Buggee sa kanyang blog [en] ang ilang litrato ng makulay na kaganapan sa Liwasan ng Galolhu sa lungsod ng Male, kabisera ng bansa, bilang pagdiriwang ng Araw ng Kalayaan, ang ika-47 anibersaryo sa kasaysayan ng bansa.
Pransiya, Yemen: Naglalahong Kababaihan
Sa kanyang Facebook page[fr], inilagay ni Eloïse Lagrenée ang interesanteng larawang kuha ng litratistang si Bushra Almutawakel [en] na taga-Yemen. Sa larawan, ipinapakita ang unti-unting paglaho ng mga kababaihan dahil sa panggipit ng pundamentalismo at sa pagsusuot ng buong niqab. Umabot sa 1,500 shares ang natanggap ng naturang larawan.
Bangladesh: Vikrampur – Ang Kinukubling Siyudad
Inilahad ng blog na Bangladesh Unlocked ang isa sa mga kinukubling lihim ng Bangladesh – ang mga lumang gusaling itinayo sa Vikrampur noong ika-6 at ika-7 siglo, na matatagpuan sa distrito ng Munshiganj sa kasalukuyan.
Syria: Ang Rebolusyon Ayon sa Mga Guhit ni Wissam Al Jazairy
Si Wissam Al Jazairy ay isang binatang graphic designer mula Syria. Ang paghihirap ng kanyang mga kababayan ang siyang naging tema ng mga likhang-sining na kanyang iniambag sa rebolusyon. Narito ang ilan sa mga disenyong likha ni Wissan.
Venezuela: Mga Alagad ng Sining, Tampok sa Maikling Dokyu
Sa pamamagitan ng YouTube, inilahad ng pangkat na Mostro Contenidos ang isang dokyu-serye na pinamagatang 'Memorabilia'. Ito ay isang koleksyon ng mga naging panayam sa mga kilalang personalidad sa Venezuela na sumikat sa larangan ng pelikula, sining at pagtatanghal sa loob at labas ng bansa.
Ehipto: Makasaysayang Pamilihan ng mga Aklat, Sinalakay ng Pulisya
Madaling araw ng ika-7 ng Setyembre nang mabalitaan ng mga taga-Egypt ang ginawang pagsalakay sa mga tindahan ng mga libro sa Kalye Prophet Daniel sa lungsod ng Alexandria. Maraming nagsasabing kagagawan ito ng mga taga-Ministeryo ng Interyor. Bumuhos naman ang poot ng mga netizen sa Muslim Brotherhood, na inaakusahang unti-unting sumisira sa yamang-kultura ng bansa.
Graffiti sa Panahon ng Krisis
Sa kasalukuyang krisis pang-ekonomiya, naging lunsaran ng mga hinaing ng lipunan ang samu't saring graffiti na makikita sa mga lungsod at bayan. Narito ang ilang halimbawa.
Mga Yamang-Kultura ng Syria, Pinapangambahang Maglaho
Bukod sa lumulobong bilang ng mga nasasawi sa giyera sa bansang Syria, isang masaker ang patuloy na nagaganap sa yamang-kultura ng mga taga-Syria. Subalit mapapansing ang usaping ito ay bihira lamang mabanggit sa midyang tradisyonal at sa social media, ayon kay Thalia Rahme.
Venezuela: Kabataan, Sayaw, Katutubo… at Propaganda
Ibinahagi ni Carmen Helena González ang mga litrato sa photo album sa Facebook na pinamagatang "Ang pagsayaw ng Venezuela sa saliw ng...". Ang bawat litrato ay may kaakibat na pagninilaynilay at pagkuwestiyon sa mga propagandang pulitikal sa sistema ng edukasyon sa bansa.
