See all those languages up there? We translate Global Voices stories to make the world's citizen media available to everyone.

Learn more about Lingua Translation  »

Mga kwento tungkol sa Film

9 Agosto 2012

Bidyo: Ang Mangarap ng Olympics sa Colombia

Sa maikling pelikulang "Velocidad" (Tulin) na likha ng estudyanteng si Esteban Barros mula Barranquilla, Colombia, ipinapakita ang pangarap ng isang binata na makapasok sa Olympics. Sapat na kaya ang kanyang matinding pagsisikap, magandang resulta at pagtitiyaga upang makapasok sa kompetisyon? Panoorin ang dalawang minutong bidyong ito at alamin.

1 Agosto 2012

Bidyo: Tara na sa mga palengke ng mundo

Sagana sa iba't ibang kulay, tunog at punung-puno ng buhay ang mga palengke at pamilihan, saang dako man sa mundo. Samahan niyo kami sa aming pagbisita - sa pamamagitan ng mga litrato at bidyo - sa mga palengke ng El Salvador, Mehiko, Indiya, Indonesia at Thailand.

20 Hulyo 2012

Puerto Rico: Pagtutol sa Pagpapacaesarean nang Hindi Kailangan, Ikinampanya sa Internet

Unnecessary Caesarean (Hindi Kailangan ng Caesarean) ang tawag sa kampanyang inilunsad sa Puerto Rico noong Marso. Hangad ng proyekto na bumaba ang lumulobong bilang ng mga nanganganak sa pamamagitan ng caesarean: karamihan sa mga C-section ng bansa ay hindi tumutugma sa mga tunay na pangangailangang medikal.

25 Hunyo 2012

Kauna-unahang Pelikulang Animasyon sa Afghanistan

Pagkatapos ng tatlong dekada ng digmaan at pagkawasak, naging mahalagang hakbang ng mga Afghan ang paggamit ng modernong teknolohiya at media upang maiahon muli ang sariling bansa at maitaguyod ang mas magandang bukas para sa mga susunod na henerasyon. Patunay dito ang pelikulang 'Buz-e-Chini' (o Kambing), ang kauna-unahang 3D na animasyon sa bansa.

24 Hunyo 2012

Bangladesh: Palabas na Cartoon, Nagtuturo sa mga Bata ng Dayuhang Wika at Pagsisinungaling

Isang sikat na palabas sa Disney Channel India, na isinalin sa wikang Hindi, ang pinag-uusapan ngayon sa Bangladesh. Sinasabing ang Japanese anime na Doraemon ay nagtuturo sa kabataan ng dayuhang lenggwahe at ng pagsisinungaling.

18 Hunyo 2012

Matapos Ipagbawal, Pelikulang ‘The Dictator’ Patok sa Tajikistan

Matapos ipagbawal sa bansang Tajikistan ang bagong pelikulang 'The Dictator', naging patok ito sa mga tindahan ng piniratang DVD doon. Naniniwala ang mga netizeng Tajik na naging popular ang pelikula sa bansa dahil sa ginawang pagbabawal.

17 Mayo 2012

Bidyo: Robot, Tinuturo ang Ligtas na Paggamit ng Internet

Komplikadong bagay ang usaping kaligtasan sa internet; minsan ang mga problema nito ay mahirap harapin o maunawaan. Sa pamamagitan ng nakakatuwang robot at ilang maiikling bidyo, layon ng pangkat na Tactical Tech Collective na ituro ang pangangalaga sa sariling kaligtasan sa paggamit ng internet.

6 Mayo 2012

Ecuador: Mga Kababaihang Refugee Pinapasok ang Prostitusyon

Inalam ng bidyo dokyumentaryo ang kalagayan ng mga kababaihang mula Colombia na nangibang bayan dahil sa karahasan, at napadpad ngayon sa bansang Ecuador. Dahil sa kawalan ng legal na hanapbuhay doon, karamihan sa mga kababaihan at kanilang mga anak na menor-de-edad ay napipilitang pumasok sa kalakaran ng prostitusyon.

2 Mayo 2012

Bidyo: Mga Ina Mula sa Iba't Ibang Bansa Nagbahagi ng Kani-Kanilang Karanasan

Sa Pandaigdigang Museo ng Kababaihan, kasalukuyang tampok sa kanilang website ang pagiging ina. Binigyang mukha ng eksibit na MAMA: Pagiging Ina sa Iba't Ibang Bahagi ng Mundo ang samu't saring aspeto ng pagiging ina, sa pamamagitan ng pakikipanayam sa mga kababaihan mula Nigeria, Kenya, Afghanistan, Estados Unidos, Colombia, Hungary, Tsina at Norway.

16 Abril 2012

Arhentina: “Hindi Ako Naniniwala sa Paaralan Ngunit Naniniwala Ako sa Edukasyon”

Naglabas ang Educación Viva (Mabuhay ang Edukasyon) ng paunang bidyo na humahamon sa tradisyonal na sistema ng edukasyon, na pinamagatang Hindi Ako Naniniwala sa Paaralan Ngunit Naniniwala Ako sa Edukasyon. Sa bidyo na may kasamang subtitle sa wikang Ingles, binigkas ng higit sa 20 kalalakihan at kababaihan ang tula tungkol sa sistema ng edukasyon at kung paano ito naiiba sa kanilang paniniwala tungkol sa tunay na kahulugan ng pag-abot ng kaalaman.

14 Abril 2012

Bidyo: Binibida ng mga Nonprofit ang Kanilang Gawain sa Pamamagitan ng mga Pinarangalang Bidyo

Itinanghal kamakailan ang mga nagwagi sa Ika-6 na Annual doGooder Non Profit Video Awards noong ika-5 ng Abril, 2012. Tampok ang mga nanalong bidyo sa 4 na kategorya: maliit na organisasyon, organisasyong may katamtaman ang laki, malaking organisasyon, at pinakamahusay sa pagkukuwento, pati ang 4 na nagwaging bidyo sa kategoryang 'walang takot'.

11 Abril 2012

Isang Araw sa Earth: Pandaigdigang Music Video na Tulong-tulong na Binuo, Ipinalabas

Ipinalabas ang isang bagong music video bilang paghahanda sa pandaigdigang pagpapalabas ng pelikulang One Day on Earth ["Isang Araw sa Earth"], na gaganapin sa iba't ibang lokasyon kasabay ng Earth Day (ika-22 ng Abril, 2012). Tampok sa music video ang mga musikero, makata, at mananayaw na kuha ng bidyo sa loob ng iisang araw, noong ika-10 ng Oktubre 2010, at malikhaing inedit at niremix ni Cut Chemist.

Isang Araw sa Earth: Pandaigdigang Pagpapalabas ng Pelikulang Tulong-Tulong na Binuo

Ang pelikulang tulong-tulong na binuo na pinamagatang One Day on Earth ["Isang Araw sa Earth"] ay pinagsama-samang bidyo ng mga kaganapan noong ika-10 ng Oktubre 2010, at mula sa higit 3,000 oras ng bidyo galing sa bawat sulok ng mundo. Gaganapin ang Pandaigdigang Pagpalalabas ng naturang pelikula kasabay ng Earth Day (ika-22 ng Abril 2012) sa bawat bansa, sa tulong ng mga World Heritage Site at United Nations.

6 Abril 2012

Bidyo: Patimpalak na Firefox Flicks sa Paggawa ng Bidyo

Ang pandaigdigang patimpalak na Firefox Flicks ay magbibigay gantimpala sa mga maiikling pelikulang magtuturo sa mga gumagamit ng web browser tungkol sa isyu gaya ng privacy, choice, interoperability, at oportunidad, at kung papaano ito tinutugan ng tatak Firefox.

1 Abril 2012

Bidyo: Mga Surfer, Mangingisda, at Radiation sa Bansang Hapon Matapos ang Lindol

Isinasapelikula ni Lisa Katayama, isang mamahayag, at ni Jason Wishnow, isang direktor, ang pamumuhay ng mga taong patuloy na nakikipagsapalaran sa epekto ng radiation pagkatapos ng matinding lindol na yumanig sa bansang Hapon. Sa proyektong We Are All Radioactive ["Lahat Tayo ay Radioactive"], 50% ng bidyo ay kinunan sa mga kalapit-lugar ng Fukushima Power Plant, at 50% naman ay gawa ng mga nakatira doon gamit ang mga waterproof digital cameras.