See all those languages up there? We translate Global Voices stories to make the world's citizen media available to everyone.

Learn more about Lingua Translation  »

Mga kwento tungkol sa Youth

16 Agosto 2012

Kirani James, Tinupad ang Pangarap ng Grenada sa Olympics

Nagwagi ng gintong medalya si Kirani James sa Men's 400 Metres race sa London Olympics na nagtala ng 43.94 segundo. Siya ang kauna-unahang atleta mula sa bansang Grenada at sa rehiyon ng Organization of Eastern Caribbean States na nagkamit ng medalya sa Olympics. Agad na nagdiwang ang buong sambayanan.

2 Agosto 2012

Syria: Mga Bidyo, Idinokumento ang Tumitinding Sagupaan

Mainit na pinag-usapan sa social media ang mga balita mula sa bansang Syria. Sa tulong ng mga bidyong iniupload ng mga aktibista sa YouTube, naipapakita sa mas maraming tao ang mga mahahalagang kaganapan sa lumalalang kaguluhan doon.

20 Hulyo 2012

Puerto Rico: Pagtutol sa Pagpapacaesarean nang Hindi Kailangan, Ikinampanya sa Internet

Unnecessary Caesarean (Hindi Kailangan ng Caesarean) ang tawag sa kampanyang inilunsad sa Puerto Rico noong Marso. Hangad ng proyekto na bumaba ang lumulobong bilang ng mga nanganganak sa pamamagitan ng caesarean: karamihan sa mga C-section ng bansa ay hindi tumutugma sa mga tunay na pangangailangang medikal.

17 Hulyo 2012

Uganda: Nodding Disease, Hadlang sa Kinabukasan ng mga Kabataan

Hatid ni James Propa ang mga litrato at bidyo sa YouTube ng kalagayan ng mga biktima ng nodding disease sa bansang Uganda. Ang nodding disease ay isang sakit na nakakapinsala sa utak at katawan na madalas nakikita sa mga bata. Matatagpuan ang karamdamang ito sa ilang bahagi ng Timog Sudan, Tanzania at hilagang Uganda.

12 Hunyo 2012

Timog Korea: Suportado ang “Chemical Castration” Bilang Kaparusahan

Napagdesisyunan na ng sistemang panghukuman ng Timog Korea na ipatupad ang chemical castration bilang kaparusahan sa mga kriminal na ilang ulit na nanggahasa ng bata. Nagpahayag ng suporta ang karamihan sa mga Timog Koryano samantalang may ilan ding nagpahayag ng pagkadismaya sa kasalukuyang pagpapatupad ng batas na may kaugnayan sa mga nasabing krimen na inilalarawan bilang 'maluwag sa mga kriminal na may mga palusot.'

2 Hunyo 2012

Bidyo: Kalakaran sa Iba't Ibang Lipunan – Pagsilip sa mga Kakaibang Kaugalian

Hatid ng VJ Movement, sa pakikipagtulungan ng London School of Economics, ang mga bidyo at kwento ng buhay tungkol sa mga lipunan mula sa bawat sulok ng mundo na nasasadlak sa iba't ibang uri ng krisis at kaguluhan. Tampok dito ang kani-kanilang pagpapahalaga sa mas magandang kinabukasan.

26 Mayo 2012

Georgia: Mga Aktibistang LGBT, Binugbog ng Pangkat ng Orthodox

Noong ika-17 ng Mayo, bilang pagdiriwang sa Pandaigdigang Araw Laban sa Homophobia, nagmartsa ang kilusang LGBT sa lansangan ng Tbilisi, Georgia. Bigla naman humarang ang isang pangkat ng mga Kristiyanong Orthodox, at sumunod ang pisikal na salpukan. Ulat ni Mirian Jugheli.

24 Mayo 2012

Bidyo: Botohan sa Adobe Youth Voices Aspire Awards, Binuksan

Ibinida ng mga kabataan ang kanilang mga gawa sa Adobe Youth Voices Aspire Awards, gamit ang mga kagamitang multimedia na kanilang natutunan. Kabilang sa mga kalahok ng patimpalak ang mga dokyumentaryo, music bidyo, tula, audio, graphic design, salaysay, animasyon, at potograpiya.

21 Mayo 2012

Indonesia: Palabas ni Lady Gaga, Hindi Binigyan ng Permiso

Dahil sa mariing pagtutol ng mga konserbatibong pangkat at mga pulitiko, na tinawag si Lady Gaga bilang tagapaglingkod sa demonyo, ipinahayag ng pulisya sa bansang Indonesia na hindi nito bibigyan ng permit ang inaabangang konserto ni Lady Gaga sa Jakarta, na hindi ikinatuwa ng 50,000 tagahanga.

11 Mayo 2012

Pilipinas: Dahil sa Mga Litratong Naka-bikini sa Facebook, Mga Estudyante Hindi Nakadalo sa Pagtatapos

Inulan ng batikos ang isang Katolikong paaralang eksklusibo para sa mga kababaihan sa lalawigan ng Cebu at pinapangasiwaan ng mga madre, matapos nitong pagbawalan ang limang estudyante na makadalo sa kanilang pagtatapos ng hayskul. Ito'y matapos mapag-alaman ng paaralan ang tungkol sa mga litrato ng mga dalaga sa Facebook na kuha habang naka-bikini ang mga ito.

6 Mayo 2012

Ecuador: Mga Kababaihang Refugee Pinapasok ang Prostitusyon

Inalam ng bidyo dokyumentaryo ang kalagayan ng mga kababaihang mula Colombia na nangibang bayan dahil sa karahasan, at napadpad ngayon sa bansang Ecuador. Dahil sa kawalan ng legal na hanapbuhay doon, karamihan sa mga kababaihan at kanilang mga anak na menor-de-edad ay napipilitang pumasok sa kalakaran ng prostitusyon.

3 Mayo 2012

Dahil sa Paratang ng Pangmomolestiya sa mga Bata, Diplomatikong Iranian Umalis ng Brazil

Inakusahan ang isang Iranian diplomat na nakabase sa bayan ng Brasilia, kabisera ng bansang Brazil, sa salang pangmomolestiya ng mga babaeng menor-de-edad sa isang palanguyan noong ika-14 ng Abril, 2012. Bagamat pinasinungalingan ng embahada ng Iran ang naturang paratang, at sinabing nangyari ang lahat dahil sa "hindi-pagkakaunawaan ng magkaibang kultura", hindi napigilan ng mga netizen sa Iran at Brazil na paulanan ng batikos ang insidente.

2 Mayo 2012

Bidyo: Mga Ina Mula sa Iba't Ibang Bansa Nagbahagi ng Kani-Kanilang Karanasan

Sa Pandaigdigang Museo ng Kababaihan, kasalukuyang tampok sa kanilang website ang pagiging ina. Binigyang mukha ng eksibit na MAMA: Pagiging Ina sa Iba't Ibang Bahagi ng Mundo ang samu't saring aspeto ng pagiging ina, sa pamamagitan ng pakikipanayam sa mga kababaihan mula Nigeria, Kenya, Afghanistan, Estados Unidos, Colombia, Hungary, Tsina at Norway.

26 Abril 2012

Bidyo: Pagpatay sa Mga Kababaihan at Sanggol sa Sinapupunan sa Indiya at Tsina

Sa mga bansang Indiya at Tsina, 200 milyong kababaihan ang iniuulat na "nawawala" dahil sa kaugaliang pagpapalaglag ng mga babaeng sanggol sa loob ng sinapupunan, samantalang pinapatay o iniiwan naman ang mga batang babae. Narito ang ilang dokyumentaryo at pag-uulat tungkol sa ganitong uri ng paghamak sa kasarian na kumikitil ng maraming buhay, at tungkol sa mga pagsisikap na bigyang lunas ang suliraning ito.

18 Abril 2012

Tunisia: Mga Mambabasa ng Aklat Susugod sa Lansangan!

Matapos ang ilang linggo ng demonstrasyon sa Tunis, isang bagong uri ng pagkilos ang binubuo ngayon, na tinatawag nilang "L'avenue ta9ra", o "Nagbabasa ang lansangan". Binabalak ng mga taga-Tunisia na dalhin ang kani-kanilang libro sa Kalye Habib Bourguiba, ang pinakamahalagang lansangan sa kasaysayan ng kabisera, upang magbasa ng sama-sama.

16 Abril 2012

Arhentina: “Hindi Ako Naniniwala sa Paaralan Ngunit Naniniwala Ako sa Edukasyon”

Naglabas ang Educación Viva (Mabuhay ang Edukasyon) ng paunang bidyo na humahamon sa tradisyonal na sistema ng edukasyon, na pinamagatang Hindi Ako Naniniwala sa Paaralan Ngunit Naniniwala Ako sa Edukasyon. Sa bidyo na may kasamang subtitle sa wikang Ingles, binigkas ng higit sa 20 kalalakihan at kababaihan ang tula tungkol sa sistema ng edukasyon at kung paano ito naiiba sa kanilang paniniwala tungkol sa tunay na kahulugan ng pag-abot ng kaalaman.

26 Marso 2012

Thailand: Facebook Sinisisi sa Maagang Pagbubuntis

Pinuna ng mga netizens sa Thailand ang ulat ng National Economic and Social Development Board na ang sikat na social networking site na Facebook ay isang dahilan sa maagang pagbubuntis sa bansa. Isa ang Thailand sa may pinakamaraming maagang nabubuntis sa buong mundo.

26 Oktubre 2009

Pagdadalantao at Bilangguan: Kalusugan at Karapatan ng Kababaihan sa Likod ng Rehas

Conversations for a Better World

Isa pa ring pagsisikap ang masiguro ang karapatang pantao para sa lahat ng nagdadalantao sa buong mundo, at tila habang isinasakatuparan ito, hindi napapansin ang mga nakabilanggo na nagdadalantao. Ano ang mga hakbang na ginagawa upang masiguro na natatrato sila ng makatao, upang isaalang-alang ang bata sa sinapupunan nila?

20 Oktubre 2009

Pilipinas: Pag-alalay sa Kababaihan sa Pagdadalantao at Pagiging Ina

Conversations for a Better World

Kung labag sa aral ng Simbahang Katoliko, dapat bang paalisin sa trabaho o paaralan ang mga dalagang ina? Pinag-uusapan ng mga bloggers sa Pilipinas ang isyung ito na kinakaharap ng bansa ngayon.