Mga kwento noong Roundups and Digital Activism
Japan: Pagsugod ng “1,000 Barkong Instik”, Pinasinungalingan
Mali ang impormasyong nakasulat sa mga pahayagan [jp] tungkol sa Senkaku (Diaoyu) Islands, mga teritoryong pinag-aagawan ng Japan at Tsina. Ayon ito sa ulat ng Gohoo.org [jp], isang website na ang trabaho ay kumpirmahin ang katotohanan sa mga binabalita ng mga dyaryo sa Japan. Narito ang isang halimbawa [en].
Japan: Biyolin sa Customs ng Frankfurt, Ipinetisyon
Hinarang ng mga opisyales ng customs sa Paliparan ng Frankfurt sa Alemanya ang isang Guarneri biyolin na pagmamay-ari ng musikerong Hapones na si Yuzuko Horigome noong ika-16 ng Agosto, 2012. Idinahilan ng mga otoridad ang kakulangan ng sapat na papeles. Humihingi pa ito ng US$ 500,000 upang maibalik ang nasabing...
Togo: Lansangan sa Lomé, Binaha ng mga Nakapula
Libu-libong kababaihan na nakasuot ng pula ang dumagsa at nagmartsa sa Lomé, kabisera ng Togo, noong ika-20 ng Setyembre upang igiit ang repormang pampulitika. Ibinahagi ng samahang Let's Save Togo ang koleksyon ng mga litrato [fr] mula sa nasabing kaganapan.
Gresya: Partidong Neo-Nazi ‘Golden Dawn’, Nais Paimbestigahan
Sinuportahan ng mga Twitter users mula sa iba't ibang panig ng mundo ang petisyon online para imbestigahan ang mga reklamong kriminal laban sa partidong Golden Dawn sa bansang Greece.
Belarus, Ukraine: Mga Biktima ng Chernobyl, Wala Na Nga Bang Libreng UK Visa?
Kinukwestiyon ngayon, sa pamamagitan ng isang petisyon sa internet [en], ang panukalang dagdag-bayarin sa pagkuha ng visa papasok ng Britanya para sa mga taga-Belarus at Ukraine na naging biktima ng trahedya sa Chernobyl noong 1986 at pumupunta sa UK upang magpagamot.
Indiya: Pananaw ng mga Blogger ngayong 2012, Sinurbey
Tinukoy ni Prasant Naidu sa kanyang itinatag na website [en] ang ilang impormasyon na kanyang nahugot mula sa ginawang Bloggers’ Mindset Survey 2012 na inilunsad ng grupong 20:20 MSL at Blogathon India. Kanyang pinuna ang mga mahahalagang pangyayari sa panahon ngayon, gaya ng “paglipat ng mga tao mula blogs papuntang...
Niger: Libu-libo ang Nawalan ng Tirahan sa Pagbaha sa Niamey
Humihingi ng tulong si Barmou Salifou mula sa bansang Niger, sa pamamagitan ng Twitter, nang salantahin ng mga pagbaha ang bayan ng Niamey noong Agosto 19.
Tsina: Panunumpa ng isang Mamamayan
Isinalinwika ni C. Custer ng China Geek ang panunumpa ng mamamayan na isinulat ng isang blogger, Tiger Temple, at umiikot ngayon sa Internet. Ang panunumpa ay isang moral na pahayag laban sa katiwaliang panlipunan at pampulitika.