See all those languages up there? We translate Global Voices stories to make the world's citizen media available to everyone.

Learn more about Lingua Translation  »

Mga kwento tungkol sa Video

28 Oktubre 2012

Senegal: 18 Nasawi Matapos ang Matinding Pagbaha

Dahil sa matinding pag-ulan noong Agosto 26, 2012, nakaranas ng malawakang pagbaha ang maraming rehiyon sa bansang Senegal. Hindi bababa sa 18 ang bilang ng mga nasawi at 42 ang sugatan. Nagpaabot naman ang pamahalaan ng Senegal ng paunang tulong sa mga sinalanta, sa pangunguna ng grupong Pranses na Orsec. Sa kabila nito, marami ang naniniwalang hindi naging agaran ang pag-aksyon ng pamahalaan, dahilan upang magsagawa ng isang kilos-protesta sa siyudad ng Dakar.

20 Setyembre 2012

Bansang Hapon: Isang Hinagap sa Ugnayang Hapones-Koreano Gawa ng ‘Free Hugs’

Isang bidyo ang sumikat nitong mga nakalipas na buwan, na may pamagat na "free hugs", kung saan tampok ang isang binatang Hapones sa bansang Korea. Nais ng gumawa ng pelikula na "patunayang may pag-asa pa para sa mga bansang Hapon at Timog Korea". Sentro ng mga balita sa midya ngayon ang hindi pagkakaintindihan sa pagitan ng dalawang bansa.

19 Setyembre 2012

Kilos-Protesta ng mga Anarkistang Griyego sa mga Litrato

Noong Setyembre 1, isinagawa sa gitnang Athens ang isang kilos-protesta. Daan-daang demonstrador, na karamihan ay kasapi ng kilusang anarkiya, ang nagtipon-tipon bilang pagkundena sa marahas na pag-atake laban sa mga dayuhan at mga imigrante.

14 Setyembre 2012

Mga Yamang-Kultura ng Syria, Pinapangambahang Maglaho

Bukod sa lumulobong bilang ng mga nasasawi sa giyera sa bansang Syria, isang masaker ang patuloy na nagaganap sa yamang-kultura ng mga taga-Syria. Subalit mapapansing ang usaping ito ay bihira lamang mabanggit sa midyang tradisyonal at sa social media, ayon kay Thalia Rahme.

9 Setyembre 2012

Mga Bansang Arabo: Naiibang Eid sa Syria, Palestina at Bahrain

Sa iba't ibang panig ng mundo, ginunita ang nakalipas na Eid Al Fitr sa loob ng tatlong araw, na siyang takda ng pagtatapos ng Ramadan - ang isang buwan ng pag-aayuno. Ngunit naging tahimik ang selebrasyon sa mga bansang Syria habang nagluluksa ang buong bayan para sa mga mamamayang nasawi, at sa bansang Bahrain kung saan napaslang ng pulisya ang isang 16-na-taong gulang na binata.

24 Agosto 2012

Puerto Rico: Panlilinlang sa Patalastas, Inilantad ng Isang Blogger

Pinagbigay-alam ng Puerto Rican blogger na si Ed Morales ang kanyang nasaksihan sa shooting ng isang patalastas ng Fiat kung saan pinapakitang nagmamaneho sa mga kalye ng Bronx, New York ang sikat na aktres at mang-aawit na si Jennifer López. Ang totoo, paliwanag ni Morales sa tulong ng mga aktwal na litrato, hindi naman talaga nagpunta si López doon.

21 Agosto 2012

Venezuela: Caracas, Sinakop ng Pandaigdigang Pagtitipon ng Katawang Sining

Noong 2011, itinanghal sa Caracas ang Pandaigdigang Pagtitipon ng Katawang Sining, at naging instrumento ang medya ng mamamayan para maibahagi sa ibang tao ang mga nakakamanghang pagpapahayag gamit ang katawan ng tao. Kabilang sa mga itinampok sa pagdiriwang ay ang mga katutubo ng Venezuela at ang kanilang likhang sining sa balat.

20 Agosto 2012

Iran: Mga Makasaysayang Medalya Ipinagbunyi, Referee Binatikos

Nagdiwang ang mga taga-Iran sa pinakamasayang sandali sa kasaysayan ng Olympics nang manalo ng dalawang medalyang ginto at dalawang medalyang pilak ang kanilang mga atleta. Ngunit naudlot ang pagdiriwang dahil sa isang kontrobersiya: libu-libong mga taga-Iran ang umalma sa pagkatalo ni Saeid Morad Abdvali' sa wrestling at tinawag itong pakikipagsabwatan ng referee laban sa World Champion ng Iran.

16 Agosto 2012

Kirani James, Tinupad ang Pangarap ng Grenada sa Olympics

Nagwagi ng gintong medalya si Kirani James sa Men's 400 Metres race sa London Olympics na nagtala ng 43.94 segundo. Siya ang kauna-unahang atleta mula sa bansang Grenada at sa rehiyon ng Organization of Eastern Caribbean States na nagkamit ng medalya sa Olympics. Agad na nagdiwang ang buong sambayanan.

14 Agosto 2012

Bolivia: Kampanya sa Turismo, Ibinida sa Bagong Bidyo

'Bolivia Te Espera' (Inaantay Ka Ng Bolivia) ang tawag sa bagong kampanyang inilunsad ng pamahalaan ng bansang Bolivia. Layon ng kampanyang ito na mapalawig ang turismo sa bansa sa tulong ng puhunang aabot sa 20 milyong dolyares sa loob ng limang taon, kung saan karamihan nito ay mapupunta sa mga katutubong pamayanan.

13 Agosto 2012

Bidyo: Walang Palanguyan? Walang Problema! Mga Malikhaing Sagot sa Tag-init

Dahil sa matinding tag-init na nararanasan ng mga taga-hilagang bahagi ng ating daigdig, kanya-kanyang pamamaraan ang karamihan doon upang matakasan ang umaakyat na temperatura at nang makaramdam ng kaunting pahinga. Pinapamalas ng mga susunod na litrato at mga bidyo ang pagiging malikhain at ang angking imahenasyon ng mga tao, mapabata man o matanda, upang maibsan ang epekto ng mainit na panahon.

12 Agosto 2012

Thailand: Mga Bidyong Nagsusulong ng Malusog na Pamumuhay

Isang ahensiyang pangkalusugan sa Thailand ang ikinakampanya ang malusog na pamumuhay sa mga Thai sa tulong ng mga malikhaing bidyo. Naging patok sa internet ang kanilang pinakabagong patalastas tungkol sa paninigarilyo, at maraming indibidwal ang nagsasabing ito ang pinakamabisang anti-smoking ad sa mundo.

11 Agosto 2012

Bidyo: Kampanyang ‘Karapatang Pantao, Ngayon Na!', Inilunsad sa Costa Rica

Noong Biyernes, ika-3 ng Agosto, inilunsad ng grupong Citizens for Human Rights ang kampanyang "Human Rights Now!" (Karapatang Pantao, Ngayon Na!), kung saan nagsama-sama ang mga personalidad ng Costa Rica upang ipanawagan ang paggarantiya ng Pamahalaan sa mga karapatang pantao ng lahat. Sa nasabing bidyo tinalakay ang mga isyu gaya ng pagpapakasal ng mga magkaparehong kasarian at ang mga karapatang sekswal at ligtas na pagdadalangtao ng mga kababaihan.

9 Agosto 2012

Bidyo: Ang Mangarap ng Olympics sa Colombia

Sa maikling pelikulang "Velocidad" (Tulin) na likha ng estudyanteng si Esteban Barros mula Barranquilla, Colombia, ipinapakita ang pangarap ng isang binata na makapasok sa Olympics. Sapat na kaya ang kanyang matinding pagsisikap, magandang resulta at pagtitiyaga upang makapasok sa kompetisyon? Panoorin ang dalawang minutong bidyong ito at alamin.

3 Agosto 2012

Venezuela: Mga Realidad ng Lungsod, Siniyasat sa mga Pelikula

Sa ika-445 na kaarawan ng lungsod ng Caracas, ibinahagi ni Laura Vidal ang mga obra ng tatlong direktor na may iba't ibang perspektibo sa kabisera ng Venezuela upang mapanood ng lahat ng netizen sa loob at labas ng bansa.

2 Agosto 2012

Syria: Mga Bidyo, Idinokumento ang Tumitinding Sagupaan

Mainit na pinag-usapan sa social media ang mga balita mula sa bansang Syria. Sa tulong ng mga bidyong iniupload ng mga aktibista sa YouTube, naipapakita sa mas maraming tao ang mga mahahalagang kaganapan sa lumalalang kaguluhan doon.

1 Agosto 2012

Bidyo: Tara na sa mga palengke ng mundo

Sagana sa iba't ibang kulay, tunog at punung-puno ng buhay ang mga palengke at pamilihan, saang dako man sa mundo. Samahan niyo kami sa aming pagbisita - sa pamamagitan ng mga litrato at bidyo - sa mga palengke ng El Salvador, Mehiko, Indiya, Indonesia at Thailand.