Mga kwento tungkol sa Video noong Mayo, 2012
WITNESS: Alamin ang Paggamit ng mga Bidyo para sa Pagbabago
Layon ng grupong WITNESS na bigyang kakayahan ang taumbayan na ipagtanggol ang nararapat na hustisya at umahon mula sa samu't saring kwento ng pang-aabuso. Nakapagturo na ang grupo sa mga hands-on workshop ng mga indibidwal mula sa humigit 80 bansa. Upang mapalawak ang sakop ng kanilang proyekto, inilunsad ng WITNESS ang isang komprehensibong kurikulum sa pagsasanay sa paggamit ng bidyo para sa adbokasiya ng karapatang pantao. Libreng maida-download ang nasabing kurikulum.
Georgia: Mga Aktibistang LGBT, Binugbog ng Pangkat ng Orthodox
Noong ika-17 ng Mayo, bilang pagdiriwang sa Pandaigdigang Araw Laban sa Homophobia, nagmartsa ang kilusang LGBT sa lansangan ng Tbilisi, Georgia. Bigla naman humarang ang isang pangkat ng mga Kristiyanong Orthodox, at sumunod ang pisikal na salpukan. Ulat ni Mirian Jugheli.
Bidyo: Botohan sa Adobe Youth Voices Aspire Awards, Binuksan
Ibinida ng mga kabataan ang kanilang mga gawa sa Adobe Youth Voices Aspire Awards, gamit ang mga kagamitang multimedia na kanilang natutunan. Kabilang sa mga kalahok ng patimpalak ang mga dokyumentaryo, music bidyo, tula, audio, graphic design, salaysay, animasyon, at potograpiya.
Tsina: Mamamahayag ng Al Jazeera Sa Beijing, Pinalayas
Sa unang pagkakataon magmula noong 1998, isang lisensyadong dayuhang mamamahayag ang pinaalis ng Tsina ng gobyerno nito. Si Melissa Chan ay lubos na ginagalang ng kanyang mga katrabaho, at ang pagpapatalsik sa kanya ay umani ng samu't saring reaksyon pati na sa mga microblog.
Bidyo: Robot, Tinuturo ang Ligtas na Paggamit ng Internet
Komplikadong bagay ang usaping kaligtasan sa internet; minsan ang mga problema nito ay mahirap harapin o maunawaan. Sa pamamagitan ng nakakatuwang robot at ilang maiikling bidyo, layon ng pangkat na Tactical Tech Collective na ituro ang pangangalaga sa sariling kaligtasan sa paggamit ng internet.
Mga Bidyo ng Mayo Uno: Pagmartsa, Kilos-Protesta at Pag-aaklas sa Iba't Ibang Panig ng Mundo
Sa maraming lungsod sa iba't ibang panig ng mundo, nagtipon-tipon ang mga obrero at taumbayan sa mga lansangan upang gunitain ang Pandaigdigang Araw ng mga Manggagawa. Mapapanood sa mga bidyo ng The Real News ang naturang kaganapan sa buong mundo.
Tsina, Pilipinas: Tensyon sa Pag-angkin sa Scarborough Shoal, Tumitindi
Lalong umiinit ang tensyon sa pinag-aagawang Scarborough Shoal o Huangyan Island sa pagitan ng Tsina at Pilipinas. Isiniwalat ng media ng pamahalaang Tsina na hindi na nito papayagan ang panghihimasok ng mga barkong pandagat ng Pilipinas sa Dagat Timog Tsina.
Ecuador: Mga Kababaihang Refugee Pinapasok ang Prostitusyon
Inalam ng bidyo dokyumentaryo ang kalagayan ng mga kababaihang mula Colombia na nangibang bayan dahil sa karahasan, at napadpad ngayon sa bansang Ecuador. Dahil sa kawalan ng legal na hanapbuhay doon, karamihan sa mga kababaihan at kanilang mga anak na menor-de-edad ay napipilitang pumasok sa kalakaran ng prostitusyon.
Dahil sa Paratang ng Pangmomolestiya sa mga Bata, Diplomatikong Iranian Umalis ng Brazil
Inakusahan ang isang Iranian diplomat na nakabase sa bayan ng Brasilia, kabisera ng bansang Brazil, sa salang pangmomolestiya ng mga babaeng menor-de-edad sa isang palanguyan noong ika-14 ng Abril, 2012. Bagamat pinasinungalingan ng embahada ng Iran ang naturang paratang, at sinabing nangyari ang lahat dahil sa "hindi-pagkakaunawaan ng magkaibang kultura", hindi napigilan ng mga netizen sa Iran at Brazil na paulanan ng batikos ang insidente.
Bidyo: Mga Ina Mula sa Iba't Ibang Bansa Nagbahagi ng Kani-Kanilang Karanasan
Sa Pandaigdigang Museo ng Kababaihan, kasalukuyang tampok sa kanilang website ang pagiging ina. Binigyang mukha ng eksibit na MAMA: Pagiging Ina sa Iba't Ibang Bahagi ng Mundo ang samu't saring aspeto ng pagiging ina, sa pamamagitan ng pakikipanayam sa mga kababaihan mula Nigeria, Kenya, Afghanistan, Estados Unidos, Colombia, Hungary, Tsina at Norway.