Ang Pandaigdigang Tinig (Global Voices) ay isang pandaigdigang network ng mga blogger na nagsasalinwika, nag-uulat, at nagtatanggol sa mga blog at sa media ng mamamayan sa buong mundo. Alamin kung bakit »
Petisyong ‘Aman Ki Asha Milne Do’
Mahigpit sa pagbibigay ng visa ang mga bansang Indiya at Pakistan para sa mga mamamayang gustong bumisita sa kani-kanilang pamilya sa karatig-bansa. Sa kasalukuyan, may bagong idinagdag na alituntunin o protocol para sa pagkuha ng tourist visa sa pagitan ng dalawang bansa sa Timog Asya. Isinusulong ng inisiyatibong ‘Journeys To Democracy’ [en] ang petisyong ‘Aman ki Asha Milne Do’ [en] upang tuluyan itong mabago.
Tinukoy ni Prasant Naidu sa kanyang itinatag na website [en] ang ilang impormasyon na kanyang nahugot mula sa ginawang Bloggers’ Mindset Survey 2012 na inilunsad ng grupong 20:20 MSL at Blogathon India. Kanyang pinuna ang mga mahahalagang pangyayari sa panahon ngayon, gaya ng “paglipat ng mga tao mula blogs papuntang Twitter bilang pangunahing daluyan ng talakayan ” at “ang kahalagahan ng Facebook upang mahikayat ang mga mambabasa na magtungo sa mga blogs”.
Sagana sa iba't ibang kulay, tunog at punung-puno ng buhay ang mga palengke at pamilihan, saang dako man sa mundo. Samahan niyo kami sa aming pagbisita - sa pamamagitan ng mga litrato at bidyo - sa mga palengke ng El Salvador, Mehiko, Indiya, Indonesia at Thailand.
Malaking porsiyento ng mga taong nakatira sa subkontinenteng Indiyan ay nagdiriwang ng kani-kanilang kaarawan sa dalawang magkaibang petsa bawat taon – ang una ay ang opisyal na petsa, samantalang ang pangalawa ay ang mismong araw ng kapanganakan. Bakit nga ba? Narito ang paliwanag ni Binayak Ghosh [en].
Noong ika-24 ng Mayo, 2012, pinasinayaan ng Kolkata ang sariling bersyon ng kilusang SlutWalk, kung saan daan-daang binata at dalaga ang naglakad sa lansangan sa kabila ng matinding sikat ng araw. Sa internet, binigyang kulay ng mga netizen ang buong kaganapan sa pamamagitan ng mga talakayan, litrato at bidyo.
Sa mga bansang Indiya at Tsina, 200 milyong kababaihan ang iniuulat na "nawawala" dahil sa kaugaliang pagpapalaglag ng mga babaeng sanggol sa loob ng sinapupunan, samantalang pinapatay o iniiwan naman ang mga batang babae. Narito ang ilang dokyumentaryo at pag-uulat tungkol sa ganitong uri ng paghamak sa kasarian na kumikitil ng maraming buhay, at tungkol sa mga pagsisikap na bigyang lunas ang suliraning ito.
Batid ng Living Tongues Institute for Endangered Languages na sa pagkamatay ng bawat katutubong wikang nanganganib mawala, kasamang nabubura sa kamalayan natin ang kasaysayan ng isang bahagi ng lipunan. Bilang tugon sa isyung ito, nagsasagawa ang naturang surian ng masinop na pagdodokyumento ng mga lenggwaheng sinasabing nasa peligro, at nagbibigay gabay sa mga pamayanan upang mapanatili o buhaying muli ang kanilang kaalaman tungkol sa katutubong wika, sa tulong ng ICT at mga kagamitang likha ng kanilang komunidad. Kumakalap din ito ng sapat na pondo upang makabili ng kagamitang pangrekord at mga kompyuter para sa 8 napiling indibidwal na nagsusulong ng kanilang katutubong wika sa mga pamayanan ng Indiya, Papua New Guinea, Chile at Peru.
Sa aming pangalawang ulat, tampok ang mga bidyong gawa ng mga mamamayan na itinatanghal ang kani-kanilang pambansang awit na isinalin-wika sa mga wikang katutubo o malimit gamitin, at napag-alaman namin na ipinagbabawal ng mga batas sa maraming bansa na kantahin ang pambansang awit maliban sa anyo ng pambansang wika. Subalit hindi ito nakapag-patinag sa ilang ordinaryong sibilyan na gumamit ng tinaguriang media ng mamamayan upang kantahin ang kanilang pambansang awit sa sariling wika.
Ipinalabas ang isang bagong music video bilang paghahanda sa pandaigdigang pagpapalabas ng pelikulang One Day on Earth ["Isang Araw sa Earth"], na gaganapin sa iba't ibang lokasyon kasabay ng Earth Day (ika-22 ng Abril, 2012). Tampok sa music video ang mga musikero, makata, at mananayaw na kuha ng bidyo sa loob ng iisang araw, noong ika-10 ng Oktubre 2010, at malikhaing inedit at niremix ni Cut Chemist.
true! i too was amazed by their output and unique technique; made me want to...
a daughter of a photographer but being able to take this beautifully by a blind...
woahhh.... that is too sad to know... Nice to have a group in the Philippines...
Ayon sa Talaan ng mga bansa ng Wikipedia
RSS feed for India 
Ang spratlys island ang bahagi ng pilipinas ayon na rin sa batas na ginawa ng...