Global Voices sa Filipino

Filipino

Nagsasalita ang mundo, nakikinig ka ba?

Minahan ng nickel sa Nakéty, New Caledonia. Litrato mula sa Flickr ni Fab Virge (CC-2.0)

Siniyasat ni Claudine WERY ang tensyon sa pulitika [fr] sa bansang New Caledonia sa pagitan ng mga partidong independentist at non-indenpendentist, na nag-ugat sa isyu ng pagmimina ng nickel. Banat ng mga non-independentists, nakipagkasundo ang kabilang panig sa mga bansang Tsina at Timog Korea kahit hindi ito otorisado.

Samantala, nakatakdang isagawa ang isang referendum sa pagitan ng mga taong 2014 at 2018 hinggil sa pagkalas ng New Caledonia, isang arkipelago sa Timog Pasipiko mula sa pamamahala ng bansang Pransiya.

Si Yuzuko Horigome at ang kanyang biyolin. Litrato mula sa Change.org Japan. Ginamit ng may permiso

Hinarang ng mga opisyales ng customs sa Paliparan ng Frankfurt sa Alemanya ang isang Guarneri biyolin na pagmamay-ari ng musikerong Hapones na si Yuzuko Horigome noong ika-16 ng Agosto, 2012. Idinahilan ng mga otoridad ang kakulangan ng sapat na papeles. Humihingi pa ito ng US$ 500,000 upang maibalik ang nasabing kargamiyento.
More »

Ipinahayag ni Dan Braghis [en] kay Sylwia Presley, kasapi at awtor ng Global Voices [en], ang pagnanais nitong magpakasal sa binibini, sa gitna ng pagtitipon ng mga miyembro ng Oxford Geeks sa #OGN28. Wala namang pag-aatubiling sinagot ni Sylwia ang binata ng matamis niyang oo! Maligayang bati sa dalawa!

Paskil ng Balkans Beyond Borders Short Film Festival 2012.

Nagbukas noong ika-20 ng Setyembre sa siyudad ng Tirana ang Balkans Beyond Borders Short Film Festival 2012 [en]. Ito ang ikatlong pagkakataon na ginanap ang nasabing patimpalak; ang napiling tema [en] sa taong ito ay “MAG-USAP TAYO – pagkakaiba-ibangwika at pakikipagtalastasan”. Ang talaan ng mga isinagawang aktibidades sa loob ng tatlong araw ay makikita sa website na ito [en].

Mga kasapi ng partidong Golden Dawn na nagpapanggap na mga pulis – at biglang inatake ang isang tindahan.

Sinuportahan ng mga Twitter users mula sa iba't ibang panig ng mundo ang petisyon online para imbestigahan ang mga reklamong kriminal laban sa partidong Golden Dawn sa bansang Greece.

More »

Paskil ng Balkan Snapshots Festival 2012.

Inorganisa ng Balkan Buro, isang Dutch non-profit na “nagpapahalaga sa ugnayang sining at kultura ng Kanlurang Europa at Timog-Silangang Europa”, ang Balkan Snapshots Festival 2012, na ginanap sa bayan ng Amsterdam noong Setyembre 21-23, “tatlong gabi ng musika, pagkamalikhain, pelikula at malayang talakayan!”

More »

More »

“Paglaho”, ni Bushra Almutawakel, litratistang mula sa Yemen

Sa kanyang Facebook page[fr], inilagay ni Eloïse Lagrenée ang interesanteng larawang kuha ng litratistang si Bushra Almutawakel [en] na taga-Yemen. Sa larawan, ipinapakita ang unti-unting paglaho ng mga kababaihan dahil sa panggipit ng pundamentalismo at sa pagsusuot ng buong niqab. Umabot sa 1,500 shares ang natanggap ng naturang larawan.

Pinakuluang Chinese mitten crabs [en]. mula sa Flickr ni autan (CC BY-NC-ND 2.0).

Ayon sa pag-uulat ng China Hush [en], malaking problema ang pagdami ng mga talangkang Chinese mitten crabs sa mga ilog ng Alemanya. Isa sa mga naiisip na solusyon ng mga mangingisdang Aleman ay ang ibenta ang mga ito sa mga restawrang Intsik.